კონფიდენციალურობის პოლიტიკა

ეს პოლიტიკა აღწერს, როგორ ამუშავებს BRELO შენს პირად მონაცემებს, საქართველოს კანონის „პერსონალური მონაცემების დაცვის შესახებ“ შესაბამისად.

1. ვინ ამუშავებს მონაცემებს

ი/მ ლუკა აკოფაშვილი, საიდენტიფიკაციო კოდი 35301136727, ქ. რუსთავი, მე-20 მიკრორაიონი, კორპუსი 124, ბინა 7. კონტაქტი: hello@brelo.ge, +995 568 01 18 75.

2. რა მონაცემებს ვაგროვებთ

შეკვეთისთვის: სახელი, გვარი, ტელეფონი, ელფოსტა, მიწოდების მისამართი, შეკვეთის დეტალები.
ანგარიშისთვის: ელფოსტა და შეკვეთების ისტორია.
სიახლეების გამოწერისას: ელფოსტა.
საიტის გამოყენებისას: მოწყობილობისა და ბრაუზერის ტექნიკური მონაცემები, cookie-ები.

ბარათის მონაცემებს ჩვენ არ ვიღებთ და არ ვინახავთ; მათ ამუშავებს ბანკი ან გადახდის პროვაიდერი.

3. რისთვის ვიყენებთ

შეკვეთის შესასრულებლად და მისაწოდებლად (ხელშეკრულების შესრულება);
შეკვეთის სტატუსის შესატყობინებლად და კითხვებზე საპასუხოდ;
ბუღალტრული და საგადასახადო ვალდებულებებისთვის (კანონის მოთხოვნა);
სიახლეებისა და შეთავაზებების გასაგზავნად, მხოლოდ შენი თანხმობით;
საიტის მუშაობისა და უსაფრთხოების გასაუმჯობესებლად.

4. ვის ვუზიარებთ

მხოლოდ იმდენს, რამდენიც საჭიროა: საკურიერო მომსახურებას (მიწოდებისთვის), ბანკს ან გადახდის პროვაიდერს (გადახდისთვის), Shopify-ს (საიტის პლატფორმა, რომელიც მონაცემებს ინახავს საქართველოს ფარგლებს გარეთ, დაცვის სათანადო გარანტიებით) და ელფოსტის გაგზავნის სერვისს. მონაცემებს არ ვყიდით.

5. რამდენ ხანს ვინახავთ

შეკვეთის მონაცემებს ვინახავთ კანონით დადგენილი ვადით (ბუღალტრული აღრიცხვისთვის, როგორც წესი, 6 წელი). გამოწერის მონაცემებს, სანამ გამოწერას არ გააუქმებ.

6. შენი უფლებები

შეგიძლია მოითხოვო შენს შესახებ მონაცემების ნახვა, გასწორება, წაშლა ან დამუშავების შეზღუდვა, და ნებისმიერ დროს გააუქმო თანხმობა სიახლეებზე (ყოველი წერილის ბოლოს არის ბმული). მოთხოვნა მოგვწერე hello@brelo.ge. თუ ფიქრობ, რომ შენი უფლება დაირღვა, შეგიძლია მიმართო პერსონალურ მონაცემთა დაცვის სამსახურს.

7. Cookie-ები

ვიყენებთ აუცილებელ cookie-ებს (კალათა, ენა, შესვლა) და, შენი თანხმობით, ანალიტიკურ cookie-ებს საიტის გასაუმჯობესებლად. ბრაუზერის პარამეტრებში შეგიძლია მათი წაშლა ან დაბლოკვა.